​​Bára Lind er stofnandi Leik og Sprell og hefur verið fastráðinn kennari og skipuleggjandi síðan 2018. Hún er útskrifuð leikkona frá listaskólanum LIPA í Liverpool með BA gráðu í leiklist og hefur tekið þátt í allskonar leiklistarverkefnum bæði hérlendis og í Bretlandi. Hún er með söng diplómu í Complete Vocal Technique frá CVI í Danmörku ásamt því að vera með jógakennararéttindi.
Síðustu misseri hefur Bára talsett teiknimyndir, lesið inn á hljóðbækur og leikstýrt menntaskólaleikritum.

​

​Þú gætir þekkt Báru sem Pöllu Peru í Ávaxtakörfunni eða sem rödd
Liljuspjalds í nýju Toy Story myndinni.

​

​Diljá er algjör sprellari og elskar ekkert meira en að ferðast um landið og lenda í ævintýrum. Hún hefur tekið virkan þátt í leiklistarlífi Hafnarfjarðarbæjar og unnið í mörg ár bæði í leikhúsum og á kvikmyndasettum. Diljá er um þessar mundir að leikstýra söngleik í grunnskóla og umsjónarmaður ungra leikara innan Borgarleikhússins.

Þú gætir þekkt Diljá úr Fyrsta Skiptinu
eða sem mamma Bóasar,
sætasta hunds í heimi.​

​​

​

​

​

Almar Blær útskrifaðist með BA gráðu í leiklist frá LHÍ árið 2021 og hefur síðan verið fastráðinn leikari við Þjóðleikhúsið. Samhliða starfi sínu þar hefur hann leikið
í ýmsum kvikmyndum og þáttum á borð við Kennarastofuna, Eldana, Vigdísi ofl. Almar hefur einnig farið með mörg skemmtileg hlutverk á sviði síðustu ár á borð við Hans Prins í “Frosti" og Orra óstöðvandi sem var boðssýning Þjóðleikhússins fyrir nemendur á miðstigi.

​

Þú gætir þekkt Almar sem Hæng Lögregluþjón úr Línu Langsokk eða sem Glanni Glæpur úr Latabæ.

Júlí Mjöll útskrifaðist með BA gráðu í Söngleikjalist frá Institute of the Arts Barcelona í júní 2024. Eftir útskrift hefur hán leikstýrt tveimur ungmenna söngleikjum hér á landi, fyrst Anní jr. (Ungleikhúsið) og síðar Fræg jr.
(Dýnamík sviðslistaskóli).
Júlí er starfandi leikari og dansar og starfar nú sem dans-og leiklistarkennari hjá þremur sviðslistarskólum.

​

​Þú gætir þekkt Júlí sem leikara og dansara úr söngleiknum Kabarett sem sýndur er í Þjóðleikhúskjallaranum.

Ernir Arnbergz er mikill stemnings-maður. Lífsmottó Ernis er einfalt:
Að hafa gaman! Hann elskar sviðslistir og hefur haldið uppi fjörinu í leik og söng síðan hann man eftir sér. Hann hefur leikið bæði á sviði og í sjónvarpi,  m.a ýmis hlutverk í Áramótaskaupinu 2025. Hann keppti í söngvakeppni framhaldsskólanna, tók þátt í Morfís ræðukeppnum og ýmsum leikritum hjá Menntaskóla Borgarfjarðar. Hann er ,,nátengdur” jólasveininum og elskar að trylla lýðinn sem DJ og kynnir á viðburðum (Unglingalandsmót UMFÍ). ​

​

​Þú gætir þekkt Erni sem Engisprettan Tumi úr leikritinu Gosi í uppsetningu leikfélagsins Kopar. 

Sigurpáll er mikill sprellari og alltaf í stuði. Hann hefur gaman af góðu flippi og elskar leiklist. Hann hefur iðkað leiklist og söng af miklum krafti síðastliðin 10 ár. Hann er nú á öðru ári hjá Söngskólanum í Reykjavík en þar hefur hann fengið dýrmæt verkfæri í söngleikjalistinni. Hann hefur verulega gaman af körfubolta og segir örugglega já við einum stuttum leik.

Þú gætir þekkt Sigurpál sem prinsinn í söngleiknum Öskubusku í uppfærslu Söngskólans í Reykjavík.​

​​

​

​

​

Bjarklind elskar fátt meira en að leika og koma fram. Hún hefur starfað sem fyrirlesari í yfir 10 ár, m.a. hjá KVAN og tekið þátt í allskonar leiklistarverkefnum. Hún tók virkan þátt í leiklistarlífi Verzló þegar hún var nemandi þar og svo hefur hún einnig farið á söngleikjanámskeið hjá LAMDA í London. Nú fær hún útrás fyrir leiklistardrauminn hjá Myndform þar sem hún vinnur við að talsetja teiknimyndir. Hún hefur einnig grunn í spuna og er virkilega spennt fyrir að sprella með hressum krökkum í sumar!

Þú gætir þekkt Bjarklindi sem hinar
ýmsu raddir í teiknimyndum.

Bjartey er dansari, danshöfundur og danskennari. Hún hóf dansnám við Klassíska Listdansskólann fjögurra ára gömul og hefur ekki hætt að dansa síðan. Hún útskrifaðist af samtímadansbraut í Listaháskóla Íslands vorið 2021. Bjartey hefur dansað bæði erlendis og á Íslandi m.a. með Íslenska Dansflokknum og í Þjóðleikhúsinu. Hún hefur samið sín eigin dansverk og séð um sviðshreyfingar fyrir óperu-uppsetningar ásamt því að kenna nemendum á öllum aldri ballett og nútímadans. 

Þú gætir þekkt Bjarteyju sem eina af kabarett stúlkunum í söngleiknum Kabarett.​

Kristrún er leik- og söngkona með margra ára reynslu í leiklistarkennslu hjá ýmsum listaskólum landsins. Hún  útskrifaðist með BA í leiklist frá Listaháskóla Íslands 2021 og hefur síðan þá leikið á sviði, í kvikmyndum og ýmsum þáttum á borð við Hollvættir á heiði, Skammarþrýhyrningurinn og Svo lengi sem við lifum. Hún er meðlimur söngleikjakórsins Viðlags og vinnur um þessar mundir sem leikkona og leiklistarkennari.

​

Þú gætir þekkt Kristrúnu úr þáttunum tuttugu og eitthvað eða sem leikkonu innan Borgarleikhússins.

​​​Berglind útskrifaðist með leiklistargráðu frá New York Film Academy og er með háskólapróf
(B. Ed.) og M.T) í leiklistarkennslu frá Háskóla Íslands. Hún er einnig með brottfararpróf í klassískum einsöng frá Tónlistarskóla Árnesinga. Hún kennir leiklist og tónmennt við grunnskóla í Mosfellsbæ og námskeið hjá Menntavísindasviði Háskóla Íslands.

​

​Þú gætir þekkt Berglindi sem graskerið í Ávaxtakörfunni í uppsetningu leikfélags Hveragerðis.​​​

​